前些日子，無意看到女友不知從哪取來的中大報。刊物中幾乎所有文章評論老麥的不是，當然主要是集中抨擊老麥給予前線員工的工資太低。
似乎中大報的編輯們除了bad taste之外，還真的有點兒腦殘。先不說其他，我諗老麥無用枝槍指住你個頭迫你番佢份可恥工資既工。既然佢前線員工不是被人迫害，豈容你地班不知民間疾苦的大學生道三說四?
我覺得，老麥才是世上數一數二有社會責任的良好企業。
不是嗎?對客人方面，世上有幾多間公司可以為你提供24小時免費自修室充足燈光冷氣再有大大張枱專人清潔?產品方面，邊間公司可以make sure無論上水定銅鑼灣都賣緊一樣味道一樣size的薯條漢堡包?對員工方面，佢訓練到文叔文嫂做清潔，或者令到公仔麵都唔識煮的雙失每日為萬千市民提供食物，直接講，即是老麥有能力把原本不值錢的人，變成起碼值廿蚊。做公司做到咁，算係咁啦?
好與差的管理，分別在於究竟你將庸才變人才，還是把人才當庸才。當全世界公司也希望找多些好人才，幻想有一天有個Steve Jobs或者Jack Walch的超級CEO幫自己公司搞到上神枱。反而老麥就是有能耐聘請社會被認為最無用的人。老麥這樣做，總比那些偽善組織開口埋口話幫弱勢社群，結果卻甚麼也做不到的強。
韓非子話過，好的人才如伊尹管仲等人幾百年先出一個，你碰到的機會低過買中六合彩，不如搞好個system，等庸才管理到你個國家啦。
