新補習社招生，昨晚深夜與女友兩人在旺角貼傳單。兩口子驚驚青青，又怕警察抄牌罰千五，更怕貼錯地盤得罪地頭小混混，總之黑白二道兩不討好。
想深一層，為何SME盡心盡力服務人群，反而要受眾多法律打壓?
明眼人都知道，法律並不是所謂維持公義的聖杯。每一條新法例的出現，正正代表又有上左岸的大財團為競爭對手增加經營成本；法例表面一定掛上神聖的光環，現實卻一定不是那回事。
例如膠袋稅，政府話為了環保，你地就被政府牽著鼻子走，去狡辯膠袋稅環保還是浪費，咪錯曬囉。有少少腥士都知道，好明顯膠袋稅是為保障最大型兩三家連鎖店的利益而設。膠袋稅實施後，作為一個精明消費者的你，唔通唔去百佳惠康七仔買野咩？不過你一定可能因為膠袋稅，而唔去新崛起的Vango 便利店。即是話膠袋稅是為了阻止新晉生意改善服務質素的手段呀傻仔﹗
例如一連寸針對煙草的法例，如過境不准帶超過三包煙、煙稅狂加、室內禁煙等，政府真是為了一眾草民的健康而悲天憫人的政策?還是有人為了去街的時候，不用吸入二手煙?你問：佢地唔食煙架? 我話：唔通佢地响私人會所食雪茄時，有散仔敢上去查牌？
很憤世嫉俗咩？我呻窮之嗎~
