深深海底行

「你搞生意呀？開花店？好難做wor。我有條絕世好橋﹗不如搞埋結婚一條龍呀，又好搵又易做…(下刪一萬字)」

「計我話你不如向酒店呀物業管理埋手，佢地每日都用好多花…」

「你要發圍，就要做人地無做過既野!」

每次向人介紹自己做start-up的時候，總有幾個創意達人，滔滔不絕地教我生意應該點做點做，佢地應該覺得，只要跟從他們的講法，明天立即就財源滾滾來。

可惜的是，講得出類似以上說話的，全是從未創過業的打工仔。

我曾經試過向他們解釋，其實自己公司年資還小，我和女友又是白手創業，所以還是集中建立一些基本公司結構。每次講到這裡，一定會掃大家興。就好似，你打功夫如果不是練九陽神功呀如來神掌呀，而是日日走去站樁練直拳，就好無出色好廢。

所以下次有人用以上的訓話撚化我，我決定陪笑到底：「你說得對﹗我地花店應該搞地產，發硬!」

藥山禪師的一句：『高高山頂立，深深海底行。』只需要自己知已經夠。